Atzo Euskadi Irratiko Norteko Ferrokarrilean izan nintzen Willy Roak gonbidatuta, eta palindromoez egin genuen berba, besteak beste. Irudian klikatu elkarrizketa entzuteko.
Ber back
Palindromo tailerra San Telmo Museoan
Datorren asteartean, otsailaren 5ean, Donostiako San Telmo Museoan izango naiz palindromo tailerrarekin. Ekitaldia AEK-k antolatzen du, Badu Bada erakusketaren markoan, eta sarrera librea da. Hemen info guztia.
Nire partetik, palindromoak nola sortzen ditudan azalduko dut, adibide kuriosoak ikusiko ditugu, palindromo ariketak egin, kalanburak, anagramak, hitzokei… tira, ez gara aspertuko.
Aukera polita izan leike elkar ezagutzeko. Gainera, esan didatenez, sofa eroso batzuk daude aretoan… eta erakusketak ere merezi du! ;-)
2013a hasteko: Palindromo Lehiaketak
Adi, palindromozale.
Bi lehiaketa. Bata Arrasateko AED elkarteak deituta, hirugarren urtez, euskarazkoa, bestea REVER mugimenduak deituta, gazteleraz. Bi aukera sari ederrak jasotzeko zure palindromoekin. Animatu parte hartzera.
Jarraian bi lehiaketon oinarriak dituzu.
Pecha Kucha
Uda bada, ba… yabadabadu!
Oporrak hartuko ditut blogean, irailera arte edo. Eperik ez, ver venir.
PAMekin bostgarren diskoa grabatzen hasiko gara abuztuan, Hipo y Condriasekin ere lantxoa daukat egunotan, Piriniotarako urteroko eskapadatxoa ere egiteko asmoa dut, plaiara ere hurbilduko naiz akaso, udarako irakurgaiak aukeratu ditut jada eta hamaka prest daukat (KH7arekin) balkoian. Tarteka palindromoak idazteko unerik hartuko dut, seguru.
Eskerrik asko, benetan, bloga jarraitzen duzuenoi, zer esanik ez ariketei erantzuten diezuenoi, milesker. Ez egin negar, itzuliko naiz egunen baten pozez kantari.