Erantzun hurrengo galderari palindromo ezkutuarekin:
Zer dira Bloggers, Floggers, Vloggers eta Mloggers taldeak?
Palindromo ariketa (areto bikainean)
Betiko taberna zeharo aldatu didate. Ohiko soinu kitarrero basatia eta garagardo kañak desagertu dira. “Kalitatearen” izenean.
Orain, kitarra entzuten da, baina suabe-suabe. Eta edateko, ezki-ur kikara bat atera ez dit ba!
Sututa, egindako aldaketez potrotaraino nagoela esan diot barrakoari, eta etortzeko kalera jipoia jasotzera.
Horixe esan diot, bai, hurrengo palindromoa erabiliz:
7 4, 4 3 4… 11 2 7 “10”. 5 8!
Helduberrientzat oharra: Palindromo ariketak nola egin.
PS:
Batzuetan, hizkuntzaren iturriak guztia eman duen sentsazioarekin, etsipenak hartzen nau, palindromo hobeagorik ez dudala aterako.
Eta halako batean udazkena heltzen da, haizea aldatzen da, iturriak ur berria dakar, eta nik infinituan sinisten dut berriro.
Palindromo ariketa (teknikoarena)
Ordenagailua zoro dabil, eta teknikoak, aparatua luze begiratu ondoren, bere etsipena jakinarazi dit hurrengo palindromoa erabiliz:
3 6 2 3 5.
Palindromo ariketa (itzulpena)
Demagun poema zati bat, gazteleraz:
…
sería nuestra piel una sierra
rasgándonos en público
llorando.
Alfa>betatze bidean dagoen itzultzaile automatikoak, Google-renak, honela itzultzen du gaur:
ikusi zuen gure azala
publikoetan tearing
negarrez.
Itzultzaile trebe batek makinak (inoiz?) emango ez digun itzulpen poetikoago edota, batez ere, palindromoa sortu lezake. Topatzen lagunduko?
5 6 9
5 8
8
Palindromo ariketa (A.S.)
Hona pertsonai berria, bere abenturak komikian kontatzea mereziko
lukeena. Neska, izen abizen euskaldunekoa, eta superbotereduna:
ikusezina da. Ia beti. Irribarre egiten duenean, goxo, lelo zein
maltzur, orduan agertzen da gure begien aurrean.
Hurrengo palindromoak aurkezten du gure lagun berria:
6 5, 8 2.
Helduberrientzat oharra: Palindromo ariketak nola egin.
PS:
Pertsona izen batzuk batzutan hatxez eta bestetan hatxe gabe topa daitezke, jabearen gustuaren arabera edo, eta biak onartzen dira, dirudienez, nortasun agirietan-eta.
Simetriaren legeaz gain ortografiaren arauen menpe ere dabilen palindromogileak eskerrak ematen dizkio ALAri goizero aukera bikoitz horregatik.