Bigarren saiakera. Lagako al dit nire konpiuter infektatu honek post hau bukatzen?
Despedida polita neukan idatzita, baina zerbaitek jan egin du igotzera nindoanean. Bihar, katxarro honek sistema eragile berria ezagutuko du, debian echt, lagun onak egitea espero dut.
Dena dago prest, artxibo baliogarriak kanpoko disko gogor berrian gordeta, betor linuxa eta etorri beharrekoak. Ikasi beharrekoak asko, imajinatzen dut, baina gogotsu nago.
Ea posible dudan hau igotzea.
Bihar arte.

Ideia hau Belleza Infinitaren webean topatu nuen lehendabizikoz, hemen. Baina bideoan tumatxa da.

-Eibarren “errabie”?

-Ai! (barrez) Errabia!

(Aitzi putak): -Rabixia!
-Ixi!
-barkatu…
-piztia!

Inprimategitik atera berri da Nazioarteko Klub Palindromikoaren bilduma, irudian duzuena, Mexicoko Praxis argitaletxearen eskutik.

Emailez jakinarazi didate eta hauxe besterik ez dakit oraingoz.
Guztien artean, euskarazkoak aportatu ditugun bi palindromozale gaude, Juanan Sanabria (santurtziarra uste dut, ez dut pertsonalki ezagutzen) eta ni (“eibartarra” jarri didatenaren beldur naiz, eta ermuarra izanik, lagunak haserretuko zaizkit, fijo).

Hurrengo asteetan eskutartean izango dut, kopia bana eskatuko dut Ermuko, Eibarko eta Eskilarapeko ateneoko liburutegientzat.

Vitamina aldizkarian argitaratu zidaten lehendabizikoz palindromo bat, kontrazalean. Gero Anjel Lertxundik aipamen polita egin zidan bere zutabean, Arteletra proiektuaren hastapenetan. Ondoren bloga etorri zen, eta tartean SEMAGAMES boletinean aldizkako kolaborazioak.

Nire euskarazko palindromoen bildumak, berez, liburu baterako emango lukeela pentsatzen dut batzutan, liburutxoa, bitxia, kuttuna, eroa. (I hope that someone gets my message in a bottle)

Desiatzen nago “Sé verla al revéS” laztandu, usaindu, gozatzeko.

Honako hau latinezko palindromorik ezagunena da, karratuan nola funtzionatzen duen garbi ikusten da irudian. Wikipedian horrela euskaratu dute: Arepo ereileak trebetasunarekin gidatzen ditu gurpilak. Batzuk diote, PATERNOSTER bi aldiz idatzi daitekeela letra hauekin, eta sobratzen diren bi A eta bi O hoiek alfa eta omega adieraziko luketela, otoitz kristaua osatuz.

Euskarazko hurrengo honek misterio gutxiago dauka, kafe batzuk eta zigarro dexente tarteko, infreñuko taberna zuloan sortua da, eta ez da gutxi.
Aizan, igela zen, ez alegi nazia.
Aizan, igela zenez, alegi nazia

A	I	Z	A	N
I	G	E	L	A
Z	E	N	E	Z
A	L	E	G	I
N	A	Z	I	A